महादेशिय भिडन्तको रुपमा आजराती नेदरल्याण्ड्स र अर्जेन्टिना भिड्ने

काठमाडौं, आषाढ २५ । विश्वकप फुटबलको दोस्रो सेमीफाईनल खेलमा आज राती नेदरल्याण्ड्स र अर्जेन्टिना भिड्नेछन् । क्वाटरफाईनलमा कोष्टारिकालाई हराँउदै नेदरल्याण्ड्स तथा बेल्जियमलाई हराँउदै अर्जेन्टिना सेमीफाईनलमा पुगेका हुन् ।
यो खेलको विजेताले फाईनलमा जर्मनीको सामना गर्नेछ । ब्राजिलमा जारी विश्वकप फुटबलको दोस्रो सेमीफाईनल खेललाई महादेशिय भिडन्तको रुपमा हेरिएको छ । यो खेलमा नेदरल्याण्ड्स विजयी भए पहिलो पटक दक्षिण अमेरिकी भुमिमा युरोपेली टोलीले विश्वकप जित्ने पक्का हुनेछ ।
यदी यो खेलमा अर्जेन्टिना विजयी भएको खण्डमा विश्वकपको यो संस्करणको उपाधि भिडन्त पनि युरोप र लेटिन अमेरीकाविच हुनेछ । अर्जेन्टिना र नेदरल्याण्ड्स दुबै टोली समुह विजेता हुन् ।
अघिल्लो विश्वकपको उपविजेता नेदरल्याण्ड्स यसपटक विश्वकपको पहिलो उपाधि जित्ने सुरमा छ । यदी त्यसो गर्न सके नेदरल्याण्ड्स लेटिन अमेरिकी भुमीमा विश्वकप उचाल्ने पहिलो युरोपियन राष्ट्र बन्नेछ ।
तर उसको बाटोमा अर्जेन्टिनाको तगारो छ । १९८६ पछि पहिलो पटक विश्वकप जित्ने अभियानमा रहेको अर्जेन्टिना यसपटक निकै बलियो छ । त्यतिवेला म्याराडोनाले उपाधि दिलाएको अर्जेन्टिनाको लागि यतिवेला लियोनल मेस्सी उती नैं चर्चामा छन् ।
मेस्सीकै बलमा अर्जेन्टिना सेमीफाईनलसम्म पुगेको छ । समुह चरणमा नाईजेरीया, ईरान र बोस्नियालाई हराएको अर्जेन्टिनाले राउण्ड अफ सिक्सटिनमा स्विट्जरल्याण्डलाई तथा क्वाटरफाईनलमा बेल्जियमलाई हराएको हो ।
उता नेदरल्याण्ड्सले समुह चरणमा स्पेन, चिली र अष्ट्रेलियालाई हराएको थियोभने राउण्ड अफ सिक्सटिनमा मेक्सिको तथा क्वाटरफाईनलमा कोष्टारिकालाई हराएको थियो । अर्जेन्टिना विरुद्धको खेलको लागि नेरल्याण्ड्सका रविन भानपर्सी भने फिट छैनन् । पेट दुख्ने समस्याबाट ग्रस्त भान पर्सीले सेमीफाईनल खेल गुमाउन सक्ने बताईएको छ ।